Sement ixracından gələn gəlirlər azaldı - Rəqəmlər

Azərbaycanın xarici ölkələrə ixrac etdiyi sementin həm həcmi, həm də dəyəri azalıb.

Valyuta.az xəbər verir ki, ötən ay xarici ölkələrə 56 min 483,03 ton sement (hazır və ya klinker formasında) ixrac olunub. Bu ixracın ümumi dəyəri 3 milyon 324,02 min ABŞ dolları təşkil edib.

Ötən ilin eyni dövründə isə 68 min 335,76 ton sement ixrac edilmiş və bunun dəyəri 4 milyon 264,78 min ABŞ dolları olmuşdu.

Beləliklə, illik müqayisədə ixrac həcmi 11 min 852,73 ton və ya 17,34%, ixracın dəyəri isə 940,76 min ABŞ dolları və ya 22,05% azalıb.

Eyni zamanda, sement ixracının ümumi ixracdakı xüsusi çəkisi də azalıb. Belə ki, bu göstərici ötən ilin müvafiq dövründə 1,87% olduğu halda, cari ildə 1,32% təşkil edib. Bu isə 0,55 faiz bəndi azalma deməkdir.

Sərvanə Rəmixanova