“Yelo Bank”ın departament direktoru “AccessBank”a keçdi

“AccessBank”ın Daxili Audit Departamentinə yeni direktor təyin edilib.

Valyuta.az-ın məlumatına görə, bu vəzifə Əziz Fətəliyevə həvalə edilib.

Qeyd edək ki, Ə.Fətəliyev həmçinin “Daxili Auditorlar İnstitutu (IIA) Azərbaycan”ın Direktorlar Şurasının üzvüdür. O, 2018–2025-ci illərdə qurumun Direktorlar Şurasının sədri və prezidenti vəzifəsində çalışıb.

Bundan əvvəl o, 2020–2026-cı illərdə “Yelo Bank”da Daxili Audit Departamentinin direktoru, 2017–2020-ci illərdə “Bank Respublika”da Daxili Audit Departamentinin direktor müavini və Daxili Audit Departamentində Şöbə müdiri, eləcə də 2014-2017-ci illərdə“AccessBank”da baş daxili auditor və aparıcı daxili auditor vəzifələrində fəaliyyət göstərib.

O, 2002-ci ildə Azərbaycan Dövlət İqtisad Universitetinin Əmtəəşünaslıq fakültəsini bitirib.

Qeyd edək ki, Ə.Fətəliyev rus və ingilis dillərini bilir.

Mayya Hüseynova