Özəl sektorda işçi sayı çox olan sahələr - CƏDVƏL

Azərbaycanda 2026-cı il yanvarın 1-i vəziyyətinə iqtisadi fəaliyyət və mülkiyyət növləri üzrə muzdla çalışan işçilərin sayı 1 milyon 808 min nəfər təşkil edib.

Valyuta.az xəbər verir ki, ötən ilin eyni dövründə bu göstərici 1 milyon 778,5 min nəfər olub. Beləliklə, illik müqayisədə muzdla çalışanların sayı 29,5 min nəfər və ya 1,65% artıb.

Statistikaya əsasən, dövlət sektorunda çalışanların sayında azalma qeydə alınıb. 2026-cı ilin yanvar ayında dövlət sektorunda 865,8 min nəfər çalışıb. 2025-ci ilin eyni dövründə isə bu rəqəm 882,8 min nəfər olub. Nəticədə dövlət sektorunda 17 min nəfər və ya 1,92% azalma baş verib.

Özəl sektorda isə əksinə, artım müşahidə olunub. 2026-cı ilin yanvarına olan məlumata görə, özəl sektorda 942,2 min nəfər çalışıb. Bu göstərici ötən ilin eyni dövründə 895,7 min nəfər idi. Beləliklə, özəl sektorda çalışanların sayı 46,5 min nəfər və ya 5,19% artıb.

Cədvəldə dövlət sektorunda işçi sayı az, özəl sektorda isə daha çox olan iqtisadi fəaliyyət növləri gösərilib.

Sərvanə Rəmixanova