Azərbaycan vətəndaşları ən çox hansı kartlarla ödəniş edir?

Statistik vahidə məxsus ödəniş xidməti şəbəkəsində ödəniş kartları ilə aparılan əməliyyatların göstəriciləri açıqlanıb.

Valyuta.az xəbər verir ki, cari ilin fevralın 1-i tarixinə rezident maliyyə institutlarının (həmçinin statistik vahidin ödəniş kartları) emissiya etdiyi ödəniş kartları vasitəsilə 207 129,4 min əməliyyat həyata keçirilib.

Əməliyyatların ümumi həcmi 10 741,5 mln manat təşkil edib. Əməliyyat həcminin ən böyük payı “Visa” kartlarının payına düşüb - 6 721,2 mln manat. “MasterCard” kartları üzrə əməliyyatların həcmi 3 961,2 mln manat olub.

Digər kart sistemləri üzrə göstəricilər aşağıdakı kimidir: “American Express” kartları ilə əməliyyatların həcmi 0,6 mln manat, “UnionPay” kartları ilə 0,12 mln manat, lokal kartlar üzrə isə 58,42 mln manat təşkil edib.

Mayya Hüseynova