Banklardan kənarda olan nağd pul kütləsi 2 milyard manatdan çox artıb

2026-cı ilin yanvar ayında Azərbaycanda geniş mənada pul kütləsi (M3 aqreqatı) 48 milyard 186,1 milyon manat təşkil edib.

Valyuta.az xəbər verir ki, bu göstərici 2025-ci ilin eyni dövrü ilə müqayisədə 2 milyard 621,8 milyon manat və ya 5,75% çoxdur. 2025-ci ilin yanvar ayında M3 aqreqatı 45 milyard 564,3 milyon manat olub.

Qeyd edək ki, 2026-cı ilin yanvar ayında banklardan kənarda olan nağd pul kütləsi (M0 aqreqatı) 17 milyard 543,5 milyon manat təşkil edib. Bu, illik müqayisədə 2 milyard 258,2 milyon manat və ya 14,77% artım deməkdir.

2025-ci ilin yanvar ayında M0 aqreqatı 15 milyard 285,3 milyon manat olub.

Tənzilə Ağabalayeva