Mərkəzi Bank iki xidmət üzrə satınalma aparır

Mərkəzi Bank iki satınalma üzrə tender elan edib.

Valyuta.az xəbər verir ki, tenderlərdən biri Mərkəzi Bankın inzibati binalarında istismar olunan su, kanalizasiya, isitmə-soyutma və havalandırma sistemləri, eləcə də müvafiq avadanlıqlar üçün ehtiyat hissələrinin satınalması ilə bağlıdır. Sözügedən iş üzrə təklif olunan məbləğ 68 407,55 manat təşkil edir.

Digər tender isə İT avadanlıqlarının daşınması və quraşdırılması xidmətlərini əhatə edir. Bu istiqamət üzrə təklif olunan qiymət 128 661,89 manatdır.

Beləliklə, hər iki satınalmanın ümumi dəyəri 197 069 manat təşkil edir.

Qeyd edək ki, tenderlər üzrə son müraciət tarixi 3 aprel olaraq müəyyənləşdirilib.

Sərvanə Rəmixanova