"YouTube" kriptovalyuta ilə ödənişlərə başladı

Dünyanın ən böyük video platforması olan "YouTube" ilk dəfə rəsmi olaraq kriptovalyuta əsaslı ödəniş sistemini istifadəyə verib.

Valyuta.az xəbər verir ki, platforma artıq kontent yaradıcılarına PayPal-ın stabilkoini PYUSD vasitəsilə ödəniş etməyə başlayıb.

Bu addım "YouTube" tarixində rəqəmsal aktivin birbaşa ödəniş infrastrukturuna inteqrasiyası baxımından ilk hesab olunur. PayPal-ın kriptovalyutalar üzrə rəhbəri May Zabaneh funksiyanın hazırda ABŞ istifadəçiləri üçün aktiv olduğunu təsdiqləyib.

Mütəxəssislər bildirirlər ki, böyük platformalarda stabilkoinlərin tətbiqi ödəniş sistemlərinin sadələşdirilməsi və zəncirvari maliyyə məhsullarının genişlənməsi üçün mühüm mərhələdir.

Qeyd edək ki, YouTube-un 2,5 milyarddan çox istifadəçisi var və bu addım kriptovalyutaların kütləvi istifadəsinə doğru atılan önəmli addım kimi qiymətləndirilir.

Sərvanə Rəmixanova