Xaricə kartofun kiloqramını 59 qəpiyə satmışıq

Bu ilin yanvar ayında Azərbaycandan 65,42 min dollar dəyərində 189,43 ton kartof ixrac edilib.

Valyuta.az xəbər verir ki, bu göstərici ötən ilin eyni dövrü ilə müqayisədə dəyər ifadəsində 31,51 min dollar və ya 92,92%, miqdar ifadəsində isə 76,4 ton və ya 67,59% çoxdur.

Qeyd edək ki, 2025-ci ilin yanvar ayında Azərbaycandan 33,91 min dollar dəyərində 113,03 ton kartof ixrac olunmuşdu.

Bu ilin yanvar ayının nəticələrinə əsasən, ixrac edilən kartofun 1 kiloqramının orta ixrac qiyməti 0,35 dollar (təxminən 59 qəpik) təşkil edib. Ötən ilin eyni dövründə bu göstərici 0,30 dollar (təxminən 51 qəpik) olub. Beləliklə, orta ixrac qiyməti illik müqayisədə 16,7% artıb.

Tənzilə Ağabalayeva