Startap üçün haradan pul tapmaq olar? - ŞƏRTLƏR

Startapların uğurlu inkişafı üçün innovativ ideya ilə yanaşı, maliyyə resurslarına çıxış da mühüm amillərdən biri hesab olunur. Xüsusilə fəaliyyətinin ilkin mərhələsində olan sahibkarlar bizneslərini qurmaq və genişləndirmək üçün əlavə maliyyə dəstəyinə ehtiyac duyurlar.

Valyuta.az xəbər verir ki, bank olmayan kredit təşkilatı “AzKredit” “Startap krediti” məhsulu təqdim edir.

Məlumata görə, kredit təminatlı əsaslarla verilir. Rəsmi iş yeri olan şəxslər üçün kreditlərin ayrılması zamanı zaminlik mexanizmi tətbiq olunur. Qeyri-rəsmi çalışan və ya kredit öhdəlikləri üzrə gecikmələri olan şəxslər isə krediti qızıl girovu təqdim etməklə əldə edə bilərlər.

Bildirilir ki, təşkilat tərəfindən startap kreditləri davamlı olaraq təqdim edilir. Hazırda yeni fəaliyyətə başlayan bizneslər üçün kreditlər zamin və ya qızıl girovu əsasında rəsmiləşdirilir.

Kredit məhsulu üzrə Bakı qeydiyyatında olan şəxslər müəyyən şərtlərlə zamin təqdim etməklə maliyyələşmə əldə edə bilirlər. Rayon qeydiyyatında olan və ya Bakıda müvəqqəti yaşayan şəxslər (kirayədə, qohum evində və s.) üçün isə qızıl girovu tələb olunur.

“Startap krediti”nin məbləği minimum 600 manatdan başlayır və maksimum 30 min manata qədər dəyişir. Kreditlərin verilməsi onlayn qaydada həyata keçirilmir. Müraciətlərin rəsmiləşdirilməsi təşkilatın ofisində aparılır.

Mayya Hüseynova