Elon Mask bir gündə 19 milyard dollar itirdi, amma yenə də dünyanın ən varlı insanıdır

Forbesin “Real-Time Billionaires” siyahısına əsasən, Elon Maskın sərvəti son ticarət sessiyasında təxminən 19 milyard dollar azalıb. Sərvətdəki geriləmə əsasən “Tesla” və “SpaceX” səhmlərinin dəyərinin enməsi ilə əlaqələndirilir.

Maskın sərvətinin böyük hissəsi nağd vəsaitdən deyil, sahib olduğu şirkətlərdəki paylardan ibarətdir. Buna görə də “Tesla” və “SpaceX” səhmlərində baş verən dəyişikliklər onun ümumi sərvətinə birbaşa təsir göstərir.

Bu azalmaya baxmayaraq, Mask dünyanın ən varlı şəxsi olaraq qalır və ikinci yerdə qərarlaşan Larry Page ilə arasında yüz milyardlarla dollar fərq var.

Qeyd edək ki, Elon Mask 2026-cı ilin iyununda “SpaceX”-in birjaya çıxmasından sonra qısa müddət ərzində dünyanın ilk trilyonçu şəxsi olmuşdu. Lakin son həftələrdə xüsusilə “SpaceX” və “Tesla” səhmlərinin ucuzlaşması nəticəsində onun sərvəti əhəmiyyətli dərəcədə azalıb.