Rusiyada kriptovalyuta qanunu Duma tərəfindən qəbul edildi

Rusiyada kriptovalyutaların tənzimlənməsini nəzərdə tutan qanun layihəsi Dövlət Dumasında qəbul edilib. Valyuta.az xəbər verir ki, sənədin qüvvəyə minməsi üçün indi Federasiya Şurasının təsdiqi və Prezident Vladimir Putinin imzası tələb olunur. Prosesin təxminən iki həftəyə tamamlanacağı gözlənilir.

Yeni qanuna əsasən, Bitcoin və digər kriptovalyutalar rəsmi ödəniş vasitəsi kimi tanınmayacaq, lakin ilk dəfə əmlak statusu alacaqlar. Bu, mülkiyyət hüququ və vergitutma baxımından mühüm dəyişiklik hesab olunur.

Bundan əlavə, kriptovalyuta birjaları Rusiya Mərkəzi Bankı tərəfindən lisenziyalaşdırılacaq. Qanun həmçinin Rusiya şirkətlərinə beynəlxalq ticarətdə Mərkəzi Bankın nəzarəti altında kriptovalyutalardan istifadə etməyə imkan verəcək.

Sənəddə fərdi investorlar üçün kriptovalyuta alışı və xaricə köçürmələr üzrə müəyyən limitlər də nəzərdə tutulub.

Sərvanə Rəmixanova