Bakının mərkəzində aylıq dövriyyəsi 25 min manatı keçən biznes satışa çıxarılıb

Bakının Xaqani küçəsində yerləşən "Həzz Wine Bar" biznesi satışa çıxarılıb.

Valyuta.az xəbər verir ki, təxminən 140 kvadratmetr sahəyə malik obyektin aylıq icarə haqqı 2 000 manatdır. Biznes terraslı məkan, bütün avadanlıqlar və əşyalarla birlikdə təhvil veriləcək.

Məlumata görə, biznesə 20 min izləyicisi olan aktiv "Instagram" səhifəsi də daxildir. Səhifənin paylaşımları ümumilikdə 500 min baxış toplayır.

Qeyd olunur ki, biznesin aylıq dövriyyəsi ən zəif aylarda 20 min manat, orta hesabla isə 25-27 min manat təşkil edir. Formalaşmış müştəri bazasına malik olduğu və əlavə investisiya tələb etmədən fəaliyyətini davam etdirə biləcəyi bildirilir.

"Həzz Wine Bar" biznesi 65 min manata satışa çıxarılıb.

Sərvanə Rəmixanova