Şahin Cəfərzadə "Sea Breeze"in layihəsində marketinq direktoru vəzifəsinə təyin olunub

Azərbaycanın premium daşınmaz əmlak layihələrindən biri hesab olunan "Sea Breeze" ekosisteminin tərkibində yer alan “Porta Caspia” layihəsinə marketinq direktoru təyin olunub.

Valyuta.az xəbər verir ki, bu vəzifə Şahin Cəfərzadəyə həvalə olunub.

Rəqəmsal marketinq və strateji kommunikasiyalar sahəsində uzunmüddətli təcrübəyə malik olan Ş.Cəfərzadə daha əvvəl “Filtrex.az”, “TAİS-İKF” MMC (RS-Horeca, RS-Cleaning, RPC, RS-Household, ShirinPay), “Wentto Electronics” və “Art City” Reklam Şirkəti kimi yerli və beynəlxalq şirkətlərin marketinq və rəqəmsal inkişaf proseslərinə rəhbərlik edib.

O, həmçinin müxtəlif dövlət əhəmiyyətli layihələrdə icraçı və koordinator kimi fəaliyyət göstərərək strateji idarəetmə sahəsində təcrübə qazanıb.

Qeyd edək ki, Ş.Cəfərzadənin fəaliyyəti “Google Ads”, “Meta” platformaları, SEO/SEM optimizasiyası, məlumat əsaslı analitika (data-driven analytics), brend idarəçiliyi və süni intellekt əsaslı marketinq həllərinin tətbiqini əhatə edir.

Ş.Cəfərzadənin marketinq fəaliyyətini həyata keçirəcəyi "Porta Caspia" layihəsi Xəzər dənizi sahilində, "Sea Breeze" ərazisində inşa edilən premium yaşayış layihəsidir. Layihə müasir memarlıq üslubunda tikilmiş yaşayış binalarını, müxtəlif mənzil planlarını, qapalı parkinqi, 24/7 mühafizə sistemini və sakinlər üçün nəzərdə tutulmuş istirahət zonalarını əhatə edir.

Sərvanə Rəmixanova