“Qala Sığorta”nın yığımlarında 1 milyonluq azalma

2026-cı ilin yanvar ayında “Qala Sığorta”nın sığorta yığımları azalıb.

Valyuta.az xəbər verir ki, şirkət bu ilin yanvar ayında 4 milyon 228 min manat sığorta yığımı toplayıb. Bu göstərici 2025-ci ilin eyni dövrü ilə müqayisədə 1 milyon 374 min manat və ya 24,52 % azdır. Ötən ilin yanvar ayında “Qala Sığorta”nın yığımları 5 milyon 602 min manat təşkil edib.

Sığorta şirkətinin ödənişlərində də azalma qeydə alınıb. 2026-cı ilin yanvar ayında “Qala Sığorta”nın ödənişləri ötən ilin eyni dövrü ilə müqayisədə 14 min manat və ya 0,75 % azalaraq 1 milyon 855 min manata düşüb. 2025-ci ilin yanvar ayında isə şirkət ödənişlərə 1 milyon 869 min manat yönəltmişdi.

Nəticədə, 2025-ci ilin ilk ayında şirkət hər 100 manat sığorta yığımının 33,36 manatını ödənişə yönəltdiyi halda, 2026-cı ilin eyni dövründə bu göstərici 43,87 manata yüksəlib.

Tənzilə Ağabalayeva