"OpenAI" "ChatGPT" ilə bağlı mühüm planlarını açıqladı

"OpenAI" "ChatGPT"ni süni intellekt agentləri ilə işləyən süper tətbiqə çevirməyi hədəfləyir.

Valyuta.az xəbər verir ki, şirkət istəyir ki, "ChatGPT" gələcəkdə yalnız suallara cavab verməsin, həm də istifadəçilər üçün müxtəlif tapşırıqları yerinə yetirsin.

Yeni sistem istifadəçilərin qrafiklərini idarə edə, səyahət rezervasiyaları edə, məzmun və proqram təminatı hazırlaya biləcək.

Bu strategiyada həftəlik 5 milyondan çox istifadəçisi olan "Codex" platforması da mühüm rol oynayır. "OpenAI" "ChatGPT"nin interfeysini yeniləyərək kodlaşdırma, görüntü yaratma və üçüncü tərəf xidmətlərlə inteqrasiyaları ön plana çıxarmağı planlaşdırır. "Canva" və "Booking.com" kimi platformaların da "ChatGPT"yə daha sıx inteqrasiya ediləcəyi gözlənilir.

Hazırda 900 milyondan çox aktiv istifadəçiyə və 50 milyondan artıq ödənişli abunəçiyə malik olan "ChatGPT"nin yeni imkanlarının qarşıdakı aylarda mərhələli şəkildə istifadəyə verilməsi planlaşdırılır.

Sərvanə Rəmixanova