Azərbaycana gətirilən ən bahalı albalının kilosu 34 manatı keçib

2025-ci ilin yanvar-dekabr aylarında Azərbaycan xarici ölkələrdən 0,26 ton təzə albalı və gilas idxal edib.

Valyuta.az xəbər verir ki, idxalın ümumi dəyəri 2,52 min ABŞ dolları təşkil edib ki, bu da təxminən 4,3 min manata bərabərdir.

Statistikaya görə, təzə albalı və gilas əsasən Çili, Argentina və Avstraliyadan gətirilib.

Argentinadan 0,04 ton məhsul 0,32 min ABŞ dollarına idxal olunub. Bu ölkədən gətirilən məhsulun 1 kiloqramının orta qiyməti 8 ABŞ dolları və ya 13,6 manat olub.

Avstraliyadan 0,03 ton təzə albalı və gilas 0,61 min ABŞ dolları dəyərində gətirilib. Məhsulun 1 kiloqramının orta qiyməti 20,3 ABŞ dolları və ya 34,5 manat təşkil edib.

Çilidən isə 0,19 ton məhsul 1,59 min ABŞ dollarına idxal olunub. Bu ölkədən gətirilən məhsulun 1 kiloqramının orta qiyməti 8,4 ABŞ dolları və ya 14,3 manat olub.

Beləliklə, idxalın həcminə və dəyərinə görə əsas pay Çilinin üzərinə düşüb. Ən bahalı məhsul isə orta qiymət baxımından Avstraliyadan gətirilən təzə albalı və gilas olub.

Sərvanə Rəmixanova