Banklarda filial müdirlərinin çoxu niyə kişilərdir?

"Kredit sahəsində çalışan qadınların sayı az olduğundan, sonradan filial müdiri vəzifəsinə yüksələn qadınların sayı da kifayət qədər məhdud olur".

Bunu Valyuta.az-a müsahibəsində müxtəlif illərdə “AccessBank” və “Rabitəbank”da İnsan Resursları Departamentinin direktoru vəzifəsində çalışmış Fəzilə Əsgərova deyib:

Onun sözlərinə görə, bank sektorunda ümumi işçi sayında kişilərin üstünlük təşkil etməsi əsasən bəzi vəzifələrin xüsusiyyətləri ilə bağlıdır.

“Kredit sahəsində çalışan əməkdaşlar gün ərzində müştərilərlə yerində görüşür, müxtəlif biznes obyektlərinə baş çəkir və sahədə aktiv fəaliyyət göstərirlər. Bu iş rejimi hər kəs üçün uyğun olmaya bilər və təcrübədə görürük ki, bir çox qadın namizəd bu istiqamətə maraq göstərmir. Bununla belə, banklarda heç bir vəzifə cinsə görə müəyyən edilmir və seçim namizədlərin öz maraq və imkanlarından asılı olur”.

"Filial müdiri olmaq üçün əməkdaşın ən azı kredit mütəxəssisi kimi çalışması vacibdir. Məhz buna görə də kredit sahəsində çalışan qadınların sayı az olduğundan, sonradan filial müdiri vəzifəsinə yüksələn qadınların sayı da kifayət qədər məhdud olur. Qadın əməkdaşlar daha çox arxa ofis, əməliyyatlar, sənədləşmə və müştəri xidməti istiqamətlərində təmsil olunurlar", - deyə F.Əsgərova vurğulayıb.

Ətraflı linkdə: https://valyuta.az/news/kredit-sahesinde-calisan-qadinlar-azdir-deye-banklarin-filial-mudirleri-daha-cox-kisilerdir

Mayya Hüseynova