Azərbaycana gələn işsiz əcnəbilərin sayı 5 minə yaxınlaşır

2026-cı ilin yanvar-aprel aylarında turizm məqsədilə Azərbaycana səfər etmiş əcnəbilərin və vətəndaşlığı olmayan şəxslərin sayı ötən ilin eyni dövrü ilə müqayisədə 59 min 379 nəfər və ya 16% azalaraq 370 min 174 nəfər təşkil edib.

Dövlət Statistika Komitəsinin məlumatlarına əsasən, muzdla işləyən əcnəbilərin sayı illik müqayisədə 28 min 150 nəfər və ya 13,5% azalaraq 180 min 30 nəfərə düşüb. Özünüməşğul əcnəbilərin sayı isə 26 min 474 nəfər və ya 13,2% azalaraq 174 min 517 nəfər olub.

Hesabat dövründə iqtisadi qeyri-fəal əcnəbilərin sayı daha kəskin azalma nümayiş etdirib. Belə ki, bu kateqoriya üzrə gələnlərin sayı 4 min 912 nəfər və ya 30,8% azalaraq 11 min 47 nəfər təşkil edib.

İşsiz əcnəbilərin sayında isə əks tendensiya müşahidə olunub. Bu kateqoriyaya aid şəxslərin sayı ötən ilin eyni dövrü ilə müqayisədə 157 nəfər və ya 3,5% artaraq 4 min 580 nəfərə yüksəlib.

Beləliklə, 2026-cı ilin ilk dörd ayında Azərbaycana səfər edən əcnəbilərin sayı ümumilikdə azalıb. Azalma muzdla işləyənlər, özünüməşğullar və iqtisadi qeyri-fəal şəxslər arasında qeydə alınsa da, işsiz əcnəbilərin sayında artım müşahidə edilib.

Sərvanə Rəmixanova