Kafe və restoranlara axan pullar 5 ildə 4 milyardı ötdü

Son beş ilin yanvar-may aylarında özəl ictimai iaşə sektorunda ümumi dövriyyə 4 milyard 120 milyon 584,2 min manata çatıb.

Valyuta.az xəbər verir ki, 2026-cı ilin yanvar-may aylarında qeyri-dövlət sektorunda ictimai iaşə dövriyyəsi 1 milyard 113 milyon 31,4 min manat təşkil edib. Bu göstərici ötən ilin eyni dövrü ilə müqayisədə 134 milyon 197,7 min manat və ya 13,71% çoxdur. 2025-ci ilin ilk beş ayında sözügedən sahədə dövriyyə 978 milyon 833,7 min manat olub.

2025-ci ilin yanvar-may aylarında dövriyyə 2024-cü ilin eyni dövrü ilə müqayisədə 185 milyon 2,9 min manat və ya 23,30% artaraq 978 milyon 833,7 min manata çatıb. 2024-cü ilin ilk beş ayında isə bu göstərici 793 milyon 830,8 min manat təşkil edib.

2024-cü ilin yanvar-may aylarında qeyri-dövlət sektorunda ictimai iaşə dövriyyəsi əvvəlki ilin müvafiq dövrünə nisbətən 57 milyon 717,8 min manat və ya 7,84% artıb. 2023-cü ilin yanvar-may aylarında dövriyyə 736 milyon 113 min manat olub.

Daha əvvəlki dövrdə artım daha sürətli qeydə alınıb. Belə ki, 2023-cü ilin ilk beş ayında göstərici 2022-ci ilin eyni dövrü ilə müqayisədə 237 milyon 337,7 min manat və ya 47,59% yüksəlib. 2022-ci ilin yanvar-may aylarında qeyri-dövlət sektorunda ictimai iaşə dövriyyəsi 498 milyon 775,3 min manat təşkil edib.

2021-ci ilin müvafiq dövründə isə bu rəqəm 277 milyon 740,1 min manat olub. Nəticədə 2022-ci ildə illik artım 221 milyon 35,2 min manat və ya 79,58% səviyyəsində qeydə alınıb.

Sərvanə Rəmixanova