İcbari Sığorta Bürosunda yeni təyinat

İcbari Sığorta Bürosunda yeni kadr təyinatı olub.

Valyuta.az-ın məlumatına görə, Ramilla Məmmədova İcbari Sığorta Bürosunun Korporativ Xidmətlər Departamenti, Ümumi Şöbənin rəisi vəzifəsinə təyin edilib.

R.Məmmədova bundan əvvəl 2024–2026-cı illərdə “Synergia Academy”də Təlim meneceri, 2024-cü ildə “AzerGold” QSC-də sənədlərə nəzarət üzrə aparıcı mütəxəssis, 2011–2024-cü illərdə “Azercell Telecom” MMC-də Hüquq, Etika və Uyğunluq Departamentində ekspert, 2004–2011-ci illərdə “BP” şirkətində, 2007–2008-ci illərdə isə Səhiyyə Nazirliyində tərcüməçi vəzifəsində çalışıb.

Həmçinin 2023-cü ildən etibarən Bakı Ali Neft Məktəbinin MBA şöbəsində elmi rəhbər (PhD namizədləri üzrə) vəzifəsində fəaliyyət göstərir.

O, 1997–1999-cu illərdə Moskva Dövlət Pedaqoji Universitetində linqvistika ixtisası üzrə bakalavr, 1999–2001-ci illərdə Gəncə Dövlət Universitetində ingilis filologiyası ixtisası üzrə bakalavr, 2002–2005-ci illərdə həmin universitetdə filologiya ixtisası üzrə magistr, 2005–2012-ci illərdə isə Azərbaycan Dillər Universitetində xarici dillər (tərcümə) ixtisası üzrə fəlsəfə doktoru (PhD) təhsili alıb. Filologiya elmləri üzrə fəlsəfə doktorudur. 

Bununla yanaşı Böyük Britaniyada Nottingham Trent Universitetində və Avstriya Dövlət Universitetində ixtisasartırma kursları keçib.

Qeyd edək ki, o, rus, ingilis və ispan dillərini bilir.