Bazar enişdədir: “Bitcoin” 61,6 min dollara düşdü

Kriptovalyuta bazarında satışlar üstünlük təşkil etməkdə davam edir.

Valyuta.az xəbər verir ki, bazar kapitallaşmasına görə lider olan “Bitcoin” son 24 saat ərzində 3,30% ucuzlaşıb. Hazırda rəqəmsal valyuta 61 660 dollar səviyyəsində ticarət olunur.

İkinci ən böyük kriptovalyuta olan “Ethereum” da mənfi zonada qalıb. Son bir gündə 7,50% dəyər itirən aktivin qiyməti 1 645,13 dollara qədər geriləyib.

ABŞ dollarına indekslənmiş stabilkoinlərdən “Tether” isə demək olar ki, dəyişməyib. Kriptovalyuta hazırda 1 dollar səviyyəsində qərarlaşıb.

BNB də enişdən yayınmayıb. Son 24 saatda 3,98% ucuzlaşan aktivin qiyməti 577,79 dollar təşkil edib.

Bazarın diqqət mərkəzində olan XRP-də də satış təzyiqi hiss olunub. Kriptovalyutanın dəyəri 5,99% azalaraq 1,11 dollara düşüb.

“Solana” isə günün ən çox itki verən iri aktivlərindən biri olub. Son sutkada 7,68% geriləyən kriptovalyuta 64,78 dollara qədər enib.

İlk onluqda yer alan “Hyperliquid” üçün isə gün daha ağır keçib. Kriptovalyuta bir gün ərzində 13,35% dəyər itirərək 60,65 dollara qədər geriləyib.

Sərvanə Rəmixanova