"AzSığorta"nın hər 100 manatlıq yığım üzrə müştərilərə ödənişi 1,85 manat artıb

Cari ilin yanvar-may aylarında “AzSığorta” ASC-nin həm yığımlarında həm də ödənişlərində ötən ilin eyni dövrü ilə müqayisədə azalma müşahidə edilib. 

Valyuta.az xəbər verir ki, sözügedən dövrdə sığorta şirkətinin yığımları 933 min manat və ya 23,28% azalaraq 3 milyon 74 min manat təşkil edib. 

Belə ki, şirkət ötən ilin müvafiq dövründə 4 milyon 7 min manat məbləğində sığorta haqqı toplayıb. 

“AzSığorta”ASC-nin sığorta ödənişlərinin illik müqayisədə 124 min manat və ya 15,97% azalması nəticəsində isə ödənişlər 652 min manata enib. 

Xaırladaq ki, sığorta şirkətinin ötən ilin yanvar-may ayı üçün etdiyi ödənişlər 776 min manat idi. 

Bəhs olunan sığorta şirkəti cari ilin ilk 5 ayı üçün yığdığı hər 100 manatın 21,21 manatını ödənişə ayırıb. 2025-ci ilin yanvar-may ayı üçün bu göstərici 19,36 manat idi. 

Sərvanə Rəmixanova