"Azərenerji" Xəzər layihəsi üçün 70 milyon manatlıq enerji infrastrukturu qurur

"Azərenerji" ümumi dəyəri 70.284.181,10 manat olan 2 satınalma müqaviləsi elan edib.

Valyuta.az xəbər verir ki, satınalmalardan biri ehtimal olunan qiyməti 48.169.212,10 manat olan 110/35/10 kV-luq GİS tipli Duzsuzlaşdırma YS-nin tikintisi, enerji sisteminə inteqrasiyası, eləcə də Yaşma YS-də gücləndirmə və genişləndirmə işlərinin satınalınmasını əhatə edir.

Digər tender isə Xəzər dənizi suyunun duzsuzlaşdırılması zavodunun xarici elektrik təchizatı üzrə 110 kV-luq EVX-nin tikintisi və elektrikquraşdırma işləri ilə bağlıdır. Bu satınalma müqaviləsinin ehtimal olunan dəyəri 22.114.969,00 manat təşkil edir.

Qeyd edək ki, hər iki tender üzrə sənədlərin son təqdimetmə tarixi iyunun 7-si müəyyən edilib.

Sərvanə Rəmixanova