Avro bahalaşır: 2026-cı ildə valyutanı nə gözləyir?

Gələn həftə avro yenidən bahalaşa bilər. Valyutaya əsas təsir edən amil Avropa Mərkəzi Bankının iclası olacaq.

Valyuta.az "Bloomberg"ə istinadən xəbər verir ki, Avropanın vahid valyutası ABŞ Federal Ehtiyat Sisteminin ardıcıl üçüncü dəfə faiz dərəcələrini azaltmasından sonra son iki ayın maksimumu yaxınlığında hərəkət edir.

Vəziyyəti Avropa Mərkəzi Bankının İcraiyyə Şurasının üzvü İzabel Şnabelin şərhləri də qızışdırıb. Sərt pul-kredit siyasətinin tərəfdarı olan alman ekspert əmindir ki, investorlar Avropa Mərkəzi Bankının növbəti faiz artırılmasını müsbət qiymətləndirirlər.

Bazar əhvalı, həqiqətən də, son üç ayda ən optimist səviyyədədir.

Mərkəzi Bank 2026-cı ildə faiz dərəcələrini artırmasa belə, "Morgan Stanley" strateqləri avronun 2026-cı ilin ikinci rübünə qədər 1,30 dollara yüksələcəyini proqnozlaşdırırlar.

Qeyd etmək lazımdır ki, bu ay avronun qiyməti 1,18 dollardır.

Paşa Məmmədli