Vitalik Buterindən kvant xəbərdarlığı: Kripto şifrələr çözülə bilər!

“Ethereum”un qurucularından biri Vitalik Buterin Argentina paytaxtı Buenos Ayresdə keçirilən Devconnect tədbirində həm “Ethereum” şəbəkəsində görülməsi vacib olan işlər, həm də kriptovalyuta sənayesinin ümumi vəziyyəti barədə fikirlərini bölüşüb. O, çıxışında kvant texnologiyasının mümkün təsirləri barədə xəbərdarlıq edib:

“2028-ci il ABŞ prezident seçkilərindən əvvəl kvant kompüterləri bu gün istifadə edilən şifrələməni poza biləcək gücə çata bilər.”

Kvant texnologiyası şifrələməni təhlükə altına sala bilər

Buterin bildirib ki, kvant texnologiyası yalnız “Ethereum” deyil, “Bitcoin” və digər kriptovalyuta layihələrinin də şifrələmə sistemlərini risk altına sala bilər. Onun sözlərinə görə:

“Əgər bu baş verərsə, hazırda tətbiq edilən bütün açar əsaslı kriptoqrafiya sistemləri sıradan çıxa bilər. ‘Ethereum’un qarşıdakı dörd il ərzində kvanta davamlı kriptoqrafiyaya keçməsi zəruridir. Bunun üçün ekosistem daxilində koordinasiya vacibdir.”

“Əsas şəbəkə sabit qalmalı, inkişaflar ikinci qatmanda olmalıdır”

Buterin vurğulayıb ki, “Ethereum”un əsas şəbəkə qatı artıq tez-tez dəyişdirilməməlidir. Onun fikrincə, gələcək inkişaflar əsasən ikinci qatman (L2) həllərində həyata keçirilməlidir:

“Əsas qatman artıq sabit və proqnozlaşdırıla bilən olmalıdır. Bu qatmanın darıxdırıcı və dəyişməz olması əslində müsbət haldır, çünki tez-tez edilən dəyişikliklər risk və səhvlərə səbəb olur. Yeniliklər L2 həllərində davam etməlidir.”

O əlavə edib ki, bu sabitlik tam passivlik anlamına gəlməməlidir:

“Kiçik dəyişikliklər və təkmilləşdirmələr mümkündür, lakin bunlar məhdud çərçivədə qalmalıdır.”

“Kriptovalyuta sektoru kəşf ruhunu itirib”

Buterin kriptovalyuta sektoruna tənqidi yanaşaraq qeyd edib:

“Araşdırma və yenilik motivasiyası azalıb. Korporativ iştirakın artması hər şeyi darıxdırıcı edib. Uğurlu modellər sürətlə təkrarlanır, yeni məhsullar isə ortaya çıxmır. ‘Meme’ koinlər isə yalnız qısa müddətli dalğalanmalara səbəb olaraq sektoru deqradasiyaya aparır.”

Aydın