Türkmənistan kriptovalyuta hasilatını və ticarətini qanuniləşdirir

Türkmənistan 2026-cı il yanvarın 1-dən etibarən kriptovalyuta hasilatını və kripto birjalarının fəaliyyətini qanuniləşdirəcək.

Valyuta.az xəbər verir ki, Prezident Serdar Berdimuhammedov tərəfindən imzalanan yeni “Virtual Aktivlər Haqqında Qanun” ölkədə rəqəmsal aktivlərin istifadəsi, saxlanması və dövriyyəsi üçün hüquqi baza yaradır.

Yeni qaydalara görə:

Hasilatçılar və kripto birjaları Türkmənistan Mərkəzi Bankında qeydiyyatdan keçməli və ya lisenziya almalıdır.

Kriptovalyutalar qanuni ödəniş vasitəsi deyil, lakin rəqəmsal əmlak kimi tanınır.

Anonim cüzdanlar və anonim əməliyyatlar qadağandır.

Reklamlarda risk xəbərdarlığı məcburidir; qazanc vədi, bonuslar, lüks təsvirlər və uşaqların istifadəsi qadağandır.

Kripto şirkətlərinin adında “Türkmənistan”, “dövlət”, “milli” kimi sözlər işlədilə bilməz.

Sərvanə Rəmixanova