"By Ruslan"ın sahibi yeni restoran açır: "Əlimdən hər şeyi ala bilərlər, amma..."

Bir müddət əvvəl fəaliyyətini dayandıran məşhur “By Ruslan Pizza”nın sahibi yeni restoran açdığını bildirib.

Valyuta.az xəbər verir ki, ötən aylarda restoranının qurucusu Ruslan bildirmişdi ki, bəzi ortaqlar ona həm mənəvi, həm də maddi zərər vurub, yüksək vəzifəli şəxslərin adından istifadə edərək biznesinə əl qoyublar. Lakin bütün baş verənlərə baxmayaraq, Ruslan geri dönüşə qərar verib.

O, bu barədə sosial media hesabında paylaşdığı son açıqlamada yenidən işinə başladığını bildirib:

“Mən qurucuyam və mənim əlimdən hər şeyi ala bilərlər. Amma fikrimi ala bilməzlər. Yenidən qurmağa və başlamağa davam”.

Ruslan həmçinin yeni obyektin hazırlandığını və artıq son mərhələyə yaxınlaşıldığını qeyd edib:

“Yeni sobamız obyektə çox gözəl yaraşdı. Çox az qalıb”.

Tənzilə Ağabalayeva