Bu şəxslər üçün 36 mənzil alınacaq - 1,8 milyonluq layihə

Astara rayonunda əlilliyi olan şəxslər və şəhid ailələri üçün yeni mənzillərin alınması planlaşdırılır. Layihə çərçivəsində ümumilikdə 36 mənzil satın alınacaq.

Valyuta.az xəbər verir ki, “Sosial Xidmətlər Agentliyi” publik hüquqi şəxsi tərəfindən həyata keçiriləcək satınalma zamanı 22 ədəd birotaqlı, 14 ədəd isə ikiotaqlı mənzilin alınması nəzərdə tutulur.

Layihənin ümumi dəyəri 1 milyon 820 min manat təşkil edir. Təkliflərin son qəbul tarixi 9 yanvar 2026-cı ildir.

Mayya Hüseynova