“300 milyon istifadəçiyə çatdıq” - Hər gün “Binance”a 180 min insan qoşulur

Binance dünya üzrə 300 milyon istifadəçiyə çatıb. Bu nailiyyətlə bağlı şərh verən “Binance”in Həmtəsisçisi və İcraçı Direktoru Richard Teng bildirib: “300 milyon qeydiyyatdan keçmiş istifadəçiyə çatmaq bizdə böyük qürur hissi yaradır. İlk 100 milyona çatmaq təxminən beş il çəkdi, növbəti 100 milyona bir qədər çox iki il, sonuncu 100 milyona isə cəmi 18 ay lazım oldu. Bu sürətlənən artım yalnız Binance-ə göstərilən etimadı deyil, həm də kriptonun əsas maliyyə aktivinə çevrilməsi ilə bağlı qlobal meylin güclənməsini göstərir”.

“Bu o deməkdir ki, Binance platformasına hər gün orta hesabla 180,000-dən çox yeni istifadəçi qoşulur və hər dəqiqə yüzlərlə insan qeydiyyatdan keçir. Əgər istifadəçi bazamız bir ölkə olsaydı, dünya üzrə ən çox əhalisi olan dördüncü ölkə, İndoneziya və Braziliyadan daha böyük olardı. Bu, kriptonun əsl qlobal miqyasda yayılmasını nümayiş etdirir. Bu nailiyyət təkcə rəqəmlərdən ibarət deyil; o, bütün sənaye üçün dönüş nöqtəsini ifadə edir. Kripto artıq ilkin istifadəçilər mərhələsindən çıxaraq erkən kütləvi qəbul mərhələsinə keçib və qanuni bir aktiv sinfi kimi real dayaqlar qazanır” - deyə Richard Teng əlavə edib.

O vurğulayıb ki, kripto sənayesi sürətlə dəyişir və Binance bu dəyişimin önündə dayanmağı qarşısına məqsəd qoyub: “Biz istifadəçiləri kripto səyahətinin ilkin mərhələsindən tutmuş peşəkar treyderlərə qədər geniş məhsul çeşidi ilə dəstəkləmək istəyirik. Biz kriptonun növbəti qəbul mərhələsi üçün etimad, şəffaflıq və təhlükəsizliyi təməl kimi qorumağa davam edirik”.

Binance-in Həmtəsisçisi və İcraçı Direktoru Yi He bildirib ki, əvvəldən Binance-də vizyonumuz dünyanın hər bir yerindən insanlara maliyyə azadlığı təqdim etmək olub. Bu gün 300 milyon istifadəçiyə çatmağımız son dərəcə mənalıdır, çünki bu, bir icma kimi birlikdə nə qədər irəlilədiyimizi göstərir. Lakin bu nailiyyət finiş xətti deyil. O, missiyamızın əvvəlki kimi təcili və vacib olduğunu xatırladır: “İstifadəçi bazamız müxtəlifdir və sürətlə böyüyür.

Hər gün istifadəçilərin  paylaşdığı hekayələr məni ilhamlandırır. Binance-də ilk gündən etibarən yanınızdayam və birlikdə yaratdığımız platformadan qürur duyuram. Amma iş bununla bitmir. Vizyonumuz cəsarətlidir: 1 milyard istifadəçiyə və daha da irəliyə çatmaq. Biz innovasiyaları davam etdirəcək, çıxış imkanlarını genişləndirəcək və kripto vasitəsilə maliyyə azadlığını hər kəs üçün, hər yerdə əlçatan edəcəyik. Bu, birlikdə çıxdığımız bir yoldur və gələcəyin nələr gətirəcəyini səbirsizliklə gözləyirəm”.

Binance-in Baş Marketinq Direktoru Rachel Conlan isə bildirib ki, 300 milyon istifadəçiyə çatmaq Binance icmasının gücünün və ruhunun parlaq göstəricisidir: “Bu illər ərzində saysız-hesabsız istifadəçi ilə tanış olmaq şərəfinə nail olmuşam. Bəziləri maliyyə müstəqilliyi qazanıb, bəziləri yeni imkanlara çıxış əldə edib, digərləri isə pullarına nəzarət hissini gücləndirib. Bu nailiyyət rəqəmlərin arxasındakı insan hekayələrinin bayramıdır, həm də dünyada baş verən daha geniş dəyişimi göstərir: kripto artıq gündəlik həyatın bir parçasına çevrilib. Bir vaxtlar spekulyativ hesab edilən bu sahə indi insanların qənaət etmə, xərcləmə, investisiya etmə və gələcəyi qurma tərzinə inteqrasiya olunub. Əslində, Binance sadəcə bir platforma deyil, bir icmadır. Biz maliyyənin gələcəyini qurmaqda iştirak edən qlobal istifadəçi şəbəkəsini dəstəkləməkdən qürur duyuruq. İnkişafımız davam etdikcə diqqətimiz bu yolda bizə qoşulan hər kəs üçün əlaqə, etimad və imkanların yaradılmasına yönəlmiş olaraq qalır”.