Z nəsli karyeraya daha üstün başlayır: Gəlirlərdə gözlənilməz fərq

"The Guardian" qəzetində yayımlanan araşdırmaya görə, 1990-cı illərin sonlarında doğulan Z nəsli gəncləri onlardan əvvəlki Y nəslinə nisbətən karyeralarının başlanğıc mərhələsində daha yüksək gəlir əldə edir.

Valyuta.az xəbər verir ki, araşdırma Z nəslinin əmək bazarına ilk illərində daha əlverişli maliyyə şərtləri ilə daxil olduğunu göstərir. 

Hesabatda qeyd olunur ki, 1990-cı illərin sonlarında doğulanların həftəlik gəlirləri 1980-ci illərin sonlarında doğulan Y nəsli nümayəndələrindən təxminən 12 faiz daha yüksəkdir. Bu göstərici Z nəslini indiyə qədər karyerasının başlanğıcında ən yüksək maaş alan gənc nəsil edir.

Tədqiqatçılar bu fərqin əsas səbəbi kimi Y nəslinin 2008-ci il maliyyə böhranı dövründə əmək bazarına daxil olmasını və həmin vaxtdan bəri real əməkhaqqı artımında uzunmüddətli durğunluğun müşahidə edilməsini göstərir.

Paşa Məmmədli