“SİMPLEX” QSC-yə iki ayda 28,7 milyon manatlıq dövlət sifarişi verilib

Azərbaycan Respublikası Təhsil Nazirliyinin Təsərrüfat Hesablı Əsaslı Tikinti və Təchizat İdarəsi elan etdiyi tender prosedurunu yekunlaşdırıb.

Valyuta.az xəbər verir ki, tenderin qalibi “SİMPLEX” QSC olub.

Tərəflər arasında bağlanmış müqavilənin dəyəri 18 827 186,34 manat təşkil edir.

Müqaviləyə əsasən, layihə çərçivəsində dəftərxana və təsərrüfat mallarının satın alınması nəzərdə tutulur.

Qeyd edək ki, sözügedən şirkətlə bundan əvvəl də iri məbləğli dövlət satınalma müqavilələri bağlanıb. Belə ki, 2 iyul tarixində “SİMPLEX” QSC ilə 9 766 609,90 manat dəyərində, 18 iyun tarixində isə 77 698,04 manat məbləğində daha iki müqavilə imzalanıb.

Beləliklə, təkcə iyun və iyul aylarında “SİMPLEX” QSC ilə bağlanmış üç müqavilənin ümumi dəyəri 28 671 494,28 manat təşkil edib.

Mayya Hüseynova