"Nvidia"nın təchizatçısı olan "Unimicron" GDS satışı ilə 1,4 milyard dollara qədər vəsait cəlb etmək istəyir

Tayvanın "Unimicron Technology" şirkəti qlobal depozitar səhmlərin satışı hesabına təxminən 1,4 milyard ABŞ dolları cəlb etməyi planlaşdırır.

Valyuta.az xəbər verir ki, şirkət hər biri 26,96–27,76 ABŞ dolları qiymətində 50 milyon qlobal depozitar səhm təklif edir. Hər depozitar səhm bir adi səhmə bərabərdir.

Şirkət cəlb ediləcək vəsaiti xarici valyuta ilə alınan xammalın maliyyələşdirilməsinə yönəldəcək.

Təklif olunan qiymət "Unimicron"un Taypey birjasında bazar ertəsi qeydə alınan 917 Tayvan dolları bağlanış qiymətindən 3–5,8 faiz aşağıdır.

Son dövrlər süni intellekt texnologiyalarına artan tələbat yarımkeçirici sənayesində investisiyaları sürətləndirib.

Bunun fonunda Asiyanın bir sıra çip istehsalçıları da beynəlxalq bazarlarda kapital cəlb etməyə çalışırlar. 

"LSEG" məlumatına görə, "Unimicron"un səhmləri bu ilin əvvəlindən indiyədək 317 faiz bahalaşıb. Şirkət elektron cihazlarda istifadə olunan çap dövrə lövhələri və çip altlıqları istehsal edir.

Tənzilə Ağabalayeva