Müşavir şirkətə direktor təyin edildi

Prezidentin sərəncamı ilə Antiinhisar və İstehlak Bazarına Nəzarət Dövlət Agentliyinin tabeliyində olan “İstehlak Mallarının Ekspertizası Mərkəzi” MMC-ə yeni direktor təyin edilib.

Valyuta.az-ın əldə etdiyi məlumata görə, təyin olunan şəxs Xəlilov Emil Vahid oğludur.

O, bu vəzifəsinə qədər,  “Tibbi Ərazi Bölmələrini İdarəetmə Birliyi” PHŞ-nin İnnovasiya və Təchizat Mərkəzinin Hüquq, İnsan resursları və Sənədlərlə iş departamentinin rəhbəri vəzifəsində çalışıb.

Bundan başqa E.Xəlilov 2008-2020-ci illərdə ölkənin müxtəlif banklarında baş hüquqşünas, şöbə müdiri və departament direktoru vəzifələrini icra edib. 2020-2022-ci illərdə Azərbaycan Respublikasının Elm və Təhsil Nazirliyinin tabeliyində fəaliyyət göstərən Təhsildə Keyfiyyət Təminatı Agentliyinin İdarə Heyətinin üzvü vəzifəsində çalışıb. 2022-2023-cü illərdə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin Elektron Hökümətin İnkişafı Mərkəzinin Hüquq və sənədlərlə iş departamentinin rəhbəri vəzifəsində fəaliyyət göstərib. 2023-2024-cü illərdə “Tibbi Ərazi Bölmələrini İdarəetmə Birliyi” PHŞ-nin (TƏBİB) İcraçı direktorunun müşaviri vəzifəsində çalışıb. 

Rumi