Bu məhsulun idxalı 155 milyon dollara, ixracı isə 14 milyon dollara həyata keçirilib

2025-ci ilin yanvar-dekabr aylarında Azərbaycan 155 milyon 266,04 min ABŞ dolları dəyərində kakao və ondan hazırlanan məhsullar idxal edib.

Valyuta.az xəbər verir ki, bu, 2024-cü ilin eyni dövrü ilə müqayisədə 14,65 % və ya 19 milyon 845,58 min ABŞ dolları çoxdur.

Hesabat dövründə Azərbaycandan, həmçinin 14 milyon 666,17 min ABŞ dolları dəyərində kakao və ondan hazırlanan məhsullar ixrac edilib. Bu isə 2024-cü illə müqayisədə 27,43 % və ya 3 milyon 157 min ABŞ dolları çoxdur.

Kakao və ondan hazırlanan məhsullar üzrə idxal Azərbaycanın ümumi idxalının 0,64 %-ni, ixrac isə ölkənin ümumi ixracının 0,06 %-ni təşkil edib.

Qeyd edək ki, 2024-cü ilin yanvar-dekabr aylarında 135 milyon 420,46 min ABŞ dolları dəyərində kakao və ondan hazırlanan məhsullar idxal edilib. 11 milyon 509,17 min ABŞ dolları dəyərində isə kakao və ondan hazırlanan məhsullar ixrac edilib.

Tənzilə Ağabalayeva