Ləğv prosesində olan banklarla bağlı məhkəmə işlərinin sayı 1800-ü ötüb

Ləğv prosesində olan banklarla bağlı bu günə qədər instansiya məhkəmələrində baxılan işlərin sayı 1800-ü ötüb.

Valyuta.az xəbər verir ki, bu barədə Əmanətlərin Sığortalanması Fondunun İctimaiyyətlə əlaqələr şöbəsinin əməkdaşı Sevinc Səlimova bildirib.

"Bu günə qədər apellyasiya instansiyası məhkəmələrində 300-dən çox, Ali Məhkəmədə isə 60-dan çox işə baxılıb.

Bundan əlavə, 2026-cı ilin birinci yarısı ərzində birinci instansiya məhkəmələrində 150-dən çox, apellyasiya instansiyası məhkəmələrində 60-dan çox, Ali Məhkəmədə isə 30-dan çox məhkəmə işi qeydə alınıb", - deyə S.Səlimova qeyd edib.