ƏSF-nin investisiya portfeli 119,6 milyon manata çatıb

Əmanətlərin Sığortalanması Fondunun (ƏSF) investisiya portfelinin həcmi bu ilin II rübünün sonuna 119,6 milyon manata çatıb.

Valyuta.az xəbər verir ki, bunu Fondun İctimaiyyətlə əlaqələr şöbəsinin nümayəndəsi Sevinc Səlimova Milli Mətbuat Günü münasibətilə keçirilən Dialoq və Əməkdaşlıq Forumunda deyib.

Onun sözlərinə görə, investisiya portfelinin həcmi 2022-ci ilin IV rübündəki 42,9 milyon manatla müqayisədə təxminən 3 dəfə artıb:

"İyulun 1-nə investisiya portfelinin 62%-i Azərbaycan manatı, 31%-i ABŞ dolları, 7%-i isə avro ilə formalaşıb. 2022-ci ilin IV rübündə isə portfel 30 milyon manat dövlət istiqrazlarından, 12,9 milyon manat isə ABŞ Xəzinədarlıq notları və veksellərindən ibarət olub".