“Mançester Yunayted” böyük məbləğə transfer etdiyi futbolçunu icarəyə verib

İngiltərənin “Mançester Yunayted” komandası futbolçusu Antonini icarəyə verib.

AZƏRTAC xəbər verir ki, 24 yaşlı hücumçu İspaniyanın “Real Betis” komandasına keçib. Bu barədə tanınmış insayder Fabritsio Romano məlumat yayıb. O, mövsümün sonunadək Sevilya təmsilçisinin formasını geyinəcək.

Bu mövsüm “qırmızı-şeytanlar”da əsas heyətə düşməkdə çətinlik çəkən forvard 14 oyunda 1 qolla yadda qalıb.

Gənc futbolçu 2022-ci ilin yayında Niderlandın “Ayaks” klubundan 99 milyon avroya transfer edilib.