Regionlar üzrə kredit faizləri - İllik müqayisə

Azərbaycanda milli valyutada kredit qoyuluşunun payı 2026-cı ilin yanvarında regionlar üzrə artım nümayiş etdirib.

Valyuta.az xəbər verir ki, ən aşağı göstərici Bakı iqtisadi rayonunda 14,47% təşkil etdiyi halda, ən yüksək pay Dağlıq Şirvan iqtisadi rayonunda 20,30% olub.

Ötən ilin eyni dövrü ilə müqayisədə demək olar ki, bütün iqtisadi rayonlarda artım qeydə alınıb. Xüsusilə Şərqi Zəngəzur iqtisadi rayonunda göstərici 16,43%-dən 19,46%-yə yüksələrək ən nəzərəçarpan artımlardan birini göstərib.

Ümumilikdə, regionlar üzrə kredit qoyuluşunda ən yüksək pay Dağlıq Şirvan (20,30%), Şirvan-Salyan (20,12%) və Mərkəzi Aran (19,97%) iqtisadi rayonlarında, ən aşağı göstəricilər isə Bakı (14,47%), Naxçıvan (15,48%) və Abşeron-Xızı (16,90%) iqtisadi rayonlarında müşahidə olunub.

Mayya Hüseynova