“Kurtlar Vadisi”nin məşhur malikanəsi satışa çıxarıldı - FOTO/VİDEO

İstanbulun Abud Efendi Yalısı adlı məşhur tarixi malikanəsinin bir hissəsi satışa çıxarılıb.

Valyuta.az xəbər verir ki, vaxtilə “Kurtlar Vadisi” serialında “Baron”un malikanəsi kimi tanınan bu tikilinin 15,23%-lik payı 170 milyon TL qiymətlə satışa təqdim olunub.

Boğazın Üsküdar-Kandilli sahilində yerləşən malikanə 1835–1855-ci illərdə məşhur osmanlı memarı Garabet Balyan tərəfindən inşa edilib. Tarixi bina iki mərtəbəli taxta konstruksiyası, geniş sahəsi və dənizə sıfır yerləşməsi ilə seçilir.

Qeyd edək ki, uzun illər Abud ailəsinə məxsus olan bu mülk televiziya tarixində simvolik məkanlardan birinə çevrilib və hazırda İstanbulun ən bahalı daşınmaz əmlakları sırasında yer alır.