Kibercinayətkarların yeni silahı: Al dəstəkli "şəxsə uyğun" e-poçtlar

Süni intellektin mətn yaratmaq və dil emalı qabiliyyəti kibercinayətkarların əlində “fərdiləşdirilmiş silah”a çevrilib. Artıq fişinq (phishing) hücumları imla səhvləri ilə dolu saxta mesajlardan daha çox, korporativ üsluba tam uyğun və inandırıcı ssenarilərlə qarşımıza çıxır. 

Valyuta.az-ın məlumatına görə, "Kaspersky" şirkətinin son məlumatları göstərir ki, e-poçt təkcə ünsiyyət vasitəsi deyil, həm də kibercinayət aləminin ən səmərəli və mürəkkəb hücum kanalı olaraq qalır.

Kibertəhlükəsizlik qurumu "Kaspersky" 2025-ci ilə dair e-poçt təhlükələri üzrə məlumatları açıqlayıb. Hesabata görə, qlobal e-poçt trafikinın təxminən yarısını (%44,99) spam mesajlar təşkil edir. Fərdi və korporativ istifadəçilərin qarşılaşdığı zərərli e-poçt əlavələrinin sayı əvvəlki illə müqayisədə 15% artaraq 144 milyona çatıb. Türkiyə zərərli e-poçt əlavələrinə ən çox məruz qalan ölkələr arasında 5%-lik payla ön sıralarda yer alıb.

Təhlükəsizlik divarlarını aşmaq üçün istifadə olunan üsullarda nəzərəçarpacaq dəyişiklik müşahidə olunur. Yeni nəsil əsas taktikalara bunlar daxildir:

* QR kodlu fişinq (Quishing): Zərərli keçidlər birbaşa mətnə deyil, PDF fayllarına və ya e-poçt məzmununa yerləşdirilmiş QR kodlara gizlədilir. İstifadəçilər mobil cihazları ilə bu kodları skan etməyə yönləndirilir və bununla da kompüterlərdəki güclü qoruma mexanizmləri kənarlaşdırılır.

* Platforma sui-istifadəsi: "OpenAI" kimi etibarlı platformaların “komandaya dəvət” funksiyalarından istifadə edilərək, istifadəçilərə legitim ünvanlardan saxta bildirişlər göndərilir.

* Çoxkanallı dələduzluq: Hücumlar yalnız e-poçtla məhdudlaşmır. Qurbanlar saxta telefon nömrələrinə zəng etməyə və ya mesajlaşma tətbiqlərinə keçməyə inandırılaraq sosial mühəndislik prosesi daha da dərinləşdirilir.

Generativ süni intellekt fişinq mesajlarını geniş miqyasda və yüksək inandırıcılıqla yaratmağa imkan verir. Onun sözlərinə görə, hər on korporativ hücumdan biri fişinqlə başlayır və mesajların tonu ilə məzmunu hədəflənən şəxsə uyğun şəkildə avtomatik tənzimlənir.

Paşa Məmmədli