“AFB Bank” yeni kart təqdim etdi - ŞƏRTLƏR, ÜSTÜNLÜKLƏR

“AFB Bank” yeni “Mono kart” məhsulunu təqdim edib.

Valyuta.az xəbər verir ki, bankın təqdim etdiyi yeni kart iki variantda - “Sadə” və “Premium” formatında müştərilərə təklif olunur.

“Sadə” kart tamamilə pulsuz təqdim edilir. “Premium” kartı isə balansa minimum 500 manat mədaxil edilməsi şərti ilə əldə etmək mümkündür. Kartın istifadə müddəti 36 ay təşkil edir və müxtəlif valyutalarda təqdim olunur.

Yeni məhsul üzrə əsas üstünlüklərdən biri kart qalığına hesablanan illik gəlirdir. Belə ki, manatla saxlanılan vəsaitə illik 8% gəlir tətbiq olunur. Minimum məbləğ 50 manat müəyyən edilib, maksimal limit isə nəzərdə tutulmayıb. ABŞ dolları ilə saxlanılan vəsaitə isə illik 2,5% gəlir hesablanır.

Kart üzrə keşbek mexanizmi də nəzərdə tutulub. Tərəfdaş şəbəkələr üzrə fərqli faizlər tətbiq olunur. “Apple Pay” və “Google Pay” vasitəsilə həyata keçirilən ödənişlərdə daha yüksək keşbek təklif edilir. Aylıq keşbek limiti “Sadə” kart üzrə maksimum 100 manat, “Premium” kart üzrə isə 150 manatdır. Hər bir kateqoriya üzrə aylıq limit “Sadə” kartda 20 manat, “Premium” kartda isə 30 manat müəyyən edilib.

Kart həmçinin komissiyasız əməliyyat imkanları ilə fərqlənir. Kart sahibləri “AFB Bank”ın bankomat və terminalları vasitəsilə karta vəsait mədaxil edərkən komissiya ödəmirlər. İstənilən “Cash-in” aparatında karta məbləğ üzrə məhdudiyyət olmadan vəsait yerləşdirmək mümkündür.

“Mono kart” üzrə aylıq komissiyasız nağdlaşdırma limiti 15 000 manatdır. Bunun 10 000 manatı bankın öz bankomatlarından, 5 000 manatı isə ölkə daxilində digər bankların bankomatlarından nağdlaşdırıla bilər. Aylıq komissiyasız kartdan-karta (card to card) köçürmə limiti 5 000 manat təşkil edir. Digər bankların emissiya etdiyi ödəniş kartlarının və elektron pul kisələrinin balansının artırılması (TOP UP) üzrə aylıq limitsiz məbləğ 1 000 manatdır.

Tariflər ilə daha ətraflı buradan tanış ola bilərsiniz.