Mərkəzi Bankın bank və BOKT-lara xalis tələbi 1 mlrd. manatdan çox azalıb

2025-ci ilin yanvar-dekabr aylarında Azərbaycan Mərkəzi Bankının (AMB) banklara və bank olmayan kredit təşkilatlarına (BOKT) xalis tələbləri 8 milyard 198 milyon manat təşkil edib.

Valyuta.az xəbər verir ki, bu, ötən ilin eyni dövrü ilə müqayisədə 1 milyard 231 milyon manat və ya 13,06% azdır.

Məlumata görə, 2024-cü ilin yanvar-dekabr aylarında AMB-nin bank sektoruna xalis tələbləri 9 milyard 429 milyon manat səviyyəsində olub. 

Xalis tələbin azalması bank sektorunun Mərkəzi Bankdan əvvəlki illərlə müqayisədə daha az borclandığını və ya əvvəl götürülmüş vəsaitlərin geri qaytarıldığını göstərir.

Mayya Hüseynova