“PAŞA Bank” bu il ödəyəcəyi dividendin məbləğini açıqlayıb

“PAŞA Bank” ASC 2025-ci ilin maliyyə nəticələrinə əsasən səhmdarlarına 129 milyon manat dividend ödəməyi nəzərdə tutur.

Valyuta.az xəbər verir ki, bu barədə Bankın İdarə Heyətinin üzvü, baş maliyyə inzibatçısı Murad Süleymanov məlumat verib.

Onun sözlərinə görə, bankın dividend siyasətinə əsasən xalis mənfəətin azı 30-40%-nin bölüşdürülməsi öhdəliyi mövcuddur. Lakin faktiki olaraq son illərdə bu göstərici 50-70% intervalında olub.

Məlumata görə, “PAŞA Bank” 2025-ci ili 148,896 milyon manat xalis mənfəətlə başa vurub ki, bu da əvvəlki illə müqayisədə 29,3% azdır.

Qeyd edək ki, bank 2007-ci ildə təsis olunub və onun nizamnamə kapitalı 354,512 milyon manat təşkil edir. Səhmlərin 56,8%-i “PAŞA Holdinq” MMC-yə, 28,2%-i “Bless” MMC-yə, 10%-i Arif Paşayevə, 5%-i isə Bankın Müşahidə Şurasının sədri Mircamal Paşayevə məxsusdur.