Sənaye sahəsi üzrə biznes kredit portfeli artıb

2025-ci ilin yanvar–dekabr aylarında Azərbaycan banklarının sənaye sahəsi üzrə biznes kredit portfeli 2 milyard 780,5 milyon manat təşkil edib.

Valyuta.az xəbər verir ki, sözügedən sahə üzrə kredit portfeli aylıq müqayisədə 103,2 milyon manat və ya 3,85%, 2024-cü ilin eyni dövrü ilə müqayisədə isə 69,2 milyon manat və ya 2,5% artıb.

Qeyd edək ki, sənaye sahəsi üzrə banklar tərəfindən verilmiş biznes kreditlərinin məbləği 2025-ci ilin yanvar–noyabr aylarında 2 milyard 677,3 milyon manat, 2024-cü ilin yanvar–dekabr aylarında isə 2 milyard 711,3 milyon manat təşkil edib.

Ümumilikdə 2025-ci ilin yanvar-dekabr aylarında Azərbaycanda bankların kredit portfeli 16 milyard 106,3 milyon manat olub.

Tənzilə Ağabalayeva