İstifadəçilər "Instagram"da nə görəcəklərinə özləri qərar verəcək

"Instagram" istifadəçilərə tövsiyə olunan məzmun üzərində daha çox nəzarət imkanı verən “Your Algorithm” funksiyasını təqdim edir.

Valyuta.az xəbər verir ki, yeni xüsusiyyət sayəsində istifadəçilər hansı mövzuları daha çox, hansıları isə daha az görmək istədiklərini özləri müəyyən edə biləcəklər.

"Instagram" rəhbəri Adam Mosserinin sözlərinə görə, yenilik istifadəçilərə tətbiq təcrübələrini daha çox fərdiləşdirmək imkanı yaradacaq.

Şirkət bildirir ki, bu imkan böyük dil modellərinin (LLM) köməyi ilə hazırlanıb və gələcəkdə daha dərin fərdiləşdirmə funksiyalarının tətbiqi nəzərdə tutulur.

Sərvanə Rəmixanova