Turizm Agentliyi eyni şirkətlə müqavilələrin sayını 6-ya yüksəldib

Dövlət Turizm Agentliyi Çin və Hindistandan jurnalistlər, blogerlər və turizm şirkətlərinin nümayəndələri üçün tanışlıq səfərlərinin təşkili xidmətlərinin satın alınması məqsədilə elan etdiyi müqaviləni yekunlaşdırıb. 

Valyuta.az xəbər verir ki, "Vega Travel Management" ilə 418 min 313,42 manat dəyərində müqavilə bağlayıb.

Dövlət Turizm Agentliyinin cari ilin əvvəlindən etibarən sözügedən şirkətlə bağladığı 6-cı satınalma müqaviləsidir.  

Bundan əvvəl tərəflər arasında 210 min 182,99 manat, 203 min 521,50 manat, 190 min 238,28 manat, 68 min 899,60 manat və 302 min 925 manat məbləğində 5 müqavilə imzalanıb.

Beləliklə, ilin əvvəlindən Dövlət Turizm Agentliyi ilə "Vega Travel Management" MMC arasında bağlanmış müqavilələrin ümumi dəyəri 1 milyon 394 min 080,79 manata çatıb.

Mayya Hüseynova