“Bank of Baku”nun kredit portfeli 29,8 faiz artıb

“Bank of Baku” 2026-cı ilin II rübünün yekunlarına görə müştərilərinə verdiyi kreditlərin həcmini artırıb.

Valyuta.az xəbər verir ki, hesabat dövründə bankın müştərilərə verilən kreditlərin ümumi həcmi 1 milyard 60 milyon 788,14 min manat təşkil edib. 

Bu göstərici 2025-ci ilin eyni dövründə qeydə alınmış 817 milyon 18,93 min manatla müqayisədə 243 milyon 769,21 min manat və ya 29,84 faiz çoxdur.

Ümumi kredit portfelinin 819 milyon 799,18 min manatını istehlak kreditləri, 172 milyon 748,61 min manatını biznes kreditləri, 68 milyon 240,34 min manatını isə daşınmaz əmlak kreditləri təşkil edib.

Müqayisə üçün qeyd edək ki, 2025-ci ilin II rübündə istehlak kreditlərinin həcmi 623 milyon 910,26 min manat, biznes kreditlərinin həcmi 139 milyon 737,70 min manat, daşınmaz əmlak kreditlərinin həcmi isə 53 milyon 370,97 min manat olub.

İl ərzində istehlak kreditləri 195 milyon 888,92 min manat və ya 31,40 faiz, biznes kreditləri 33 milyon 10,91 min manat və ya 23,62 faiz, daşınmaz əmlak kreditləri isə 14 milyon 869,37 min manat və ya 27,86 faiz artıb.

Bankın depozit portfelində də yüksəliş qeydə alınıb.

Belə ki, 2026-cı ilin II rübünün sonuna bankın cəmi depozitləri 948 milyon 889,44 min manat təşkil edib.

Bu, ötən ilin eyni dövründə qeydə alınmış 661 milyon 375,27 min manatla müqayisədə 287 milyon 514,17 min manat və ya 43,47 faiz çoxdur.

Hesabat dövründə fiziki şəxslərin depozitləri 828 milyon 636,27 min manata çatıb.

Halbuki 2025-ci ilin II rübündə bu göstərici 595 milyon 258,52 min manat olub. Beləliklə, fiziki şəxslərin depozitləri illik müqayisədə 233 milyon 377,75 min manat və ya 39,21 faiz artıb.

Tənzilə Ağabalayeva