Azərbaycana gətirilən ətin miqdarı artır

Cari ilin yanvar-fevral aylarında Azərbaycana 7 min 471,38 ton ət idxal olunub.

Valyuta.az xəbər verir ki, idxalın ümumi dəyəri 17 milyon 892,58 min ABŞ dolları təşkil edib.

Hesabat dövründə ət idxalı ölkənin ümumi idxalında 0,69% paya malik olub.

Xatırladaq ki, bu göstərici ötən ilin eyni dövründə 0,38% təşkil edib.

Statistikya görə, 2025-ci ilin yanvar-fevral aylarında ölkəyə 7 min 462,54 ton ət idxal edilib, idxalın dəyəri isə 15 milyon 714,69 min ABŞ dolları olub.

İllik müqayisədə ət idxalı həcm baxımından 8,84 ton və ya 0,12% artıb. Dəyər ifadəsində isə artım 2 milyon 177,89 min ABŞ dolları və ya 13,9% təşkil edib.

Sərvanə Rəmixanova