Azərbaycanın MDB ölkələri ilə ticarətdə əsas tərəfdaşları  - ÖLKƏLƏR

Bu ilin yanvar-fevral aylarında Azərbaycanın MDB ölkələri ilə ticarət dövriyyəsi 796 milyon 286 min ABŞ dolları təşkil edib.   

Valyuta.az Dövlət Gömrük Komitəsinə istinadən xəbər verir ki, bu müddətdə MDB ölkələrinə ixracın həcmi 262 milyon 934 min ABŞ dolları olub ki, bu da ümumi ixracın 7,17%-ni təşkil edir. 

Müqayisə üçün ötən ilin eyni dövründə bu göstərici 231 milyon 442 min ABŞ dolları (ümumi ixracın 4,86%-i) idi. Beləliklə, illik müqayisədə MDB ölkələrinə ixrac 31 milyon 492 min ABŞ dolları artıb.  

İdxala gəlincə, cari ilin yanvar-fevral aylarında MDB ölkələrindən idxalın həcmi 533 milyon 352 min ABŞ dolları olub. Bu, ümumi idxalın 20.52%-nə bərabərdir. Ötən ilin eyni dövründə isə bu göstərici 1 milyard 113 milyon 628 min ABŞ dolları (ümumi idxalın 25%-i) olub. İllik idxal dəyərində MDB ölkələri üzrə 580 milyon 276 min ABŞ dolları həcmində azalma qeydə alınıb. 

Mayya Hüseynova