Onların maaşı qaldırılır - Nazir açıqladı

Sertifikasiya imtahanı musiqi müəllimlərinin də maaşına təsir edə bilər.

Valyuta.az Ölkə.az-a istinadən xəbər verir ki, bunu mədəniyyət naziri Adil Kərimli Milli Məclisin Elm və təhsil komitəsinin bu gün “İncəsənət məktəblərinin mövcud vəziyyəti və inkişaf perspektivləri” mövzusunda keçirdiyi ictimai dinləmədə bildirib.

Nazir qeyd edib ki, sertifikasiyadan fərqli olaraq attestasiya əməkhaqqının artırılması ilə nəticələnmir. Sertifikasiyadan sonrakı mərhələlərdə isə müəllimlər üçün məsələnin nəzərə alınması gözlənilir.

Qeyd edək ki, Milli Məclisdə müzakirə olunan "Təhsil haqqında" qanuna nəzərdə tutulan dəyişikliyə əsasən incəsənət məktəblərində dərs deyən müəllimlər attestasiya imtahanından deyil, sertifikasiya imtahanından keçəcək.

Nazirin müşaviri Cəsarət Valehov isə çıxışında deyib ki, sertifikasiyadan keçən müəllimlərin maaşında 25 faiz artım olub.